好後悔冇帶到相機！真係好好天，賞花最好嘅日子，而且富士山終於冇比雲遮住！！
河津櫻原本諗住去伊豆嗰邊睇，但係因為武漢肺炎嘅影響所以個祭典取消咗，退而求其次去咗 五月玲子。日本工作假期 介紹嘅靜岡西平畑公園上山賞櫻。又端估唔到人流雖然多，但係又冇擠迫嘅感覺，隨手就用手機影到一張靚相。公園原本仲有其他設施，丫仁勁想玩櫻花樹下滑梯同小火車，疫情咩都唔開= =
真係唔好睇小呢度嘅花粉，入到公園對眼已經非常之乾同埋痕，朋友仲要打乞嗤流鼻水！好天對花粉症嘅患者真係一大折磨，好天故知然開心舒服曬太陽，但係同時自己身體又會不舒適，兩難！
去mewe睇大丈夫，行多一步走快一步！
https://mewe.com/join/大丈夫東瀛工作遊記
Search